Rəqəmsal çevrilmə şirkətlərin strategiyalarına dərindən təsir edir. Xüsusilə, markalarla müştərilər arasındakı əlaqəni dəyişir. Müasir dünyada istehlakçıların seçimləri və bilikləri artdıqca qərar qəbul etmələri çətinləşir. Bu səbəbdən, indi; İstehlakçıların ehtiyaclarını, istəklərini və gözləntilərini anlamaq sadə bir iş deyil. Bu ehtiyacların, istəklərin və gözləntilərin çoxu şüursuz şəkildə yaranır və hətta istehlakçı bunları dilə gətirmir. Neyromarketinq, istehlakçıların davranışlarının altında yatan şüursuz reaksiyaları araşdıran və məqsədlərinə yönəltməkdə markalara texniki dəstək verən bir sahədir.
Neyromarketinq nədir?
Neyromarketinq, beynin reklam və markalaşmaya verdiyi reaksiyaların formal araşdırılması və daha yaxşı cavablar əldə etmək üçün bu mesajların geribildirim əsaslı tənzimlənməsidir.
Tədqiqatçılar, reklam mesajlarına cavab olaraq beyin fəaliyyətinin müəyyən növlərini ölçmək üçün funksional maqnit rezonans görüntüləmə (fMRİ) və elektroensefaloqrafiya (EEG) kimi texnologiyalardan istifadə edirlər. Bu məlumatlar ilə şirkətlər istehlakçıların bu qərarları niyə verdiklərini və beynin hansı hissələrinin onları buna həvəsləndirdiyini öyrənirlər.
Neyromarketinq tətbiqlərinin məqsədi marketinq proseslərini optimallaşdırmaq və məcazi mənada istehlakçının beyni haqqında fikir əldə etməkdir. Əsas məqsədi reklamı nəyin daha təsirli edəcəyi haqqında fikir əldə etməkdir.
Time Warner və NBC kimi şirkətlər illərdir müştərilərinin əlaqələrini ölçmək üçün neyromarketinqdən istifadə edir; Microsoft, Google və Facebook kimi digər texnologiya nəhəngləri bu yaxınlarda öz nevrologiya mərkəzlərini qurmuşlar.
Beyin Fəaliyyəti İstehlakçı Davranışına Necə Təsir Edir?
Şirkətlər, markaları ilə əlaqəli duyğuların və xatirələrin bir insanın şüursuz bir şəkildə satın alma qərarlarına necə qərar verdiyini görmək istəyirlər.
Tədqiqatçıların bu konsepsiya sayəsində istədiyimizi və istəmədiyimizi anlaya bilməsi istehlakçı dünyası üçün maraqlı bir məsələdir. Onları kəşf etmək üçün bir çox üsuldan istifadə olunur. Misal üçün; pupilometr- məhsullar arasından seçim edərkən göz bəbəyinin böyüməsi və kiçilməsi hərəkətlərinə görə istehlakçıların fiziki dəyişiklikləri haqqında çoxlu məlumat verir. Eyni şəkildə, göz hərəkətlərinin qiymətləndirilməsi nəticəsində gözü izləmə texnikası, reklam və ya bazar rəflərində baxılan yerlərə görə göz hərəkətlərinin nəticəsini çıxarır.
İnsan beyninə nüfuz etməyin ən təsirli üsulları fMRI və EEG olaraq bilinir. Bu iki üsul sayəsində istehlakçıların reklamları izləyərkən beyninin hansı bölgəsində aktiv olduqları müəyyən edilir.
Beynimizin nə düşündüyünü və hiss etdiyini görmək üçün neyromarketinq:
– Diqqəti cəlb edən şeyi görmək üçün göz hərəkətini izləyir.
– Duygusal reaksiyaları ölçmək üçün EEG beyin görüntüsünü istifadə edir. (Yəni reklamlara və ya məhsul xüsusiyyətlərinə xoşbəxt cavablar.)
– Marka üçün müəyyən hisslərlə əlaqəli beynin müəyyən sahələrində hansı reklamların, şəkillərin və xüsusiyyətlərin ən çox aktivlik yaratdığını görmək üçün fMRI taramalarına baxır.
Bütün bunları etmək müştərinin subliminal cavablarından istifadə etməyə kömək edir və şirkətlərin marketinq üsullarını müştərilərin düşüncələrinə və hisslərinə uyğunlaşdırmasını asanlaşdırır.
Neyromarketinq harada istifadə olunur?
Neyromarketinq, marketoloqların məhsulları ilə bağlı demək olar ki, hər hansı bir sualına cavab vermək üçün istifadə edilə bilər – hətta ənənəvi marketinq araşdırmalarının həll edə bilmədiyi suallara belə cavab üçün istifadə oluna bilir.
Məhsul dizayn testləri
UX / veb sayt testi
Çox ekranlı hazır / platformalar arası test
TV reklamlarının saniyələr boyu optimallaşdırılması
Səs işarələmə testi
Rebrendinq
Neyromarketinqdə təsirli nəticələr əldə etmək üçün:
- “Biz” sözünü işlətməyin və ya şirkətinizdən bəhs etməyin: Şirkətinizə deyil, müştərilərinizə diqqət edin.
- Mövzuya gəlin: Mesajınız hər gün beyinə göndərilən təxminən 10.000 digər mesajla rəqabət aparır.
- Vizual olun: Yalnız bir məhsul haqqında danışmayın; göstərmin. Bir şəkil göstərə bilmirsinizsə, müştəriləriniz üçün zehni bir görüntü yaradın.
Konkret saxlayın: Bir nümunə, insanların niyyətlərini deşifr etməyə kömək edən üz ifadələri olan reklamlardır.
- Güclü bağlanış və açılış istifadə edin: İnsanlar reklamın əvvəlinə və sonuna daha çox diqqət yetirirlər. Bu, yaddaşın saxlanmasını təmin etməyə kömək edəcək
- Emosiyalardan istifadə edin: Sürpriz, gülüş, qorxu və qəzəb, bütün bu duyğular yaddaşı işə salır.
Coca-Cola və Pepsi bu sahədə klassik, lakin ən yaxşı nümunədir. Bu nümunə, neyromarketin əhəmiyyətini vurğulamaq üçün ən yaxşısıdır. Bu üsulla bütün iştirakçılara təcrübədən əvvəl hansı marka içkiyə üstünlük verdikləri soruşulur. Daha sonra Coca-Cola və Pepsi içkiləri insanlara bildirilmədən verilir və başqa bir addımda bu iki içkinin markalarını bütün iştirakçılara göstərdikdən sonra növbə ilə içmələri gözlənilir.
Bütün bu prosesdə, fMRI metodu istifadə olunur və iştirakçıların beynindəki bütün hərəkətlər qeydə alınır. Nəticələr hər dəfə illərlə aparılan araşdırmaların nəticələrini sübut etmək üçün kifayətdir. FMRI nəticələrinə görə, marka bildirilmədən kola içdikdə iştirakçılar Pepsi dadını daha çox bəyənirlər, amma üstünlükləri soruşulduqda isə Coca Cola içməyi üstün tuturlar.
Bir məhsul seçərkən yalnız dadı, rəngi və qoxusu təsirli deyil. Məhsula aid olan xatirələr, yerləşdirmə və məlumatlar 5 hissimizdən üstünə çıxır və “al” əmrini birbaşa beyinə göndərə bilir. Əksər hallarda satınalma funksiyası bu şəkildə davam edir. Hər hansı bir məhsul xüsusiyyətini bəyənməyin nəticəsi olaraq beyin bunu bir sifariş olaraq işlədə bilər.
Neyromarketinq, reklam dünyası və istehlakçılar üçün bir məhsulun yerləşdirilməsi, istehlakçı ilə məhsul arasındakı əlaqənin təyin edilməsi və bu əlaqədə mövcud olan psixo-sosial səbəblərin ortaya çıxarılması baxımından çox əhəmiyyətlidir.
Leave a Reply